Photoფოკუსი ტელესკოლის პროექტია. გადაცემა ვიზუალური ხელოვნების ერთ-ერთ დარგს, ფოტოგრაფიას, ეძღვნება.  რესპონდენტის რანგში მოწვეული ფოტოგრაფები გადაღების თავისებურებებსა და ფოტოგამოსახულების მნიშვნელობაზე საუბრობენ. გადაცემაში ასევე სრულად არის ნაჩვენები პროფესიონალი ფოტოგრაფების სამუშაო  პროცესი. 

გადაცემაში ნიკო ქერდიყოშვილი ველურ ბუნებაში მუშაობის თავისებურებებზე, სირთულესა და საინტერესო მხარეზე საუბრობს. ფოტოგრაფისთვის  გადაღება  გარემოს შესწავლას უკავშირდება. ინტერვიუს დროს ნიკო ქერდიყოშვილი იხსენებს გადაღების პროცესს, რომელიც ველურ ბუნებაში  წამის დაჭერასა და ფაუნასთან ურთიერთობას უკავშირდება. მისთვის გადაღება ჰობია, რომელიც მაყურებლებისთვის  საკუთარი ემოციების გაზიარებასა და გარემოს კვლევას გულისხმობს.