გურამ წიბახაშვილი ფოტოგრაფიას განიხილავს, ადამიანებთან და ზოგადად სამყაროსთან კომუნიკაციის საშუალებად. მისთვის მნიშვნელოვანია, რომ ფოტოს შემეცნების ფუნქცია ჰქონდეს და ამავდროულად,  მაყურებელში ემოციებს იწვევდეს.  გადაცემაში გურამ წიბახაშვილი საუბრობს საკუთარ შემოქმედებაზე, სხვადასხვა დროს შექმნილ სერიებზე. ინტერვიუს დროს ის ყურადღებას ამახვილებს ფოტოგრაფიაში შუქის ფაქტორზე. რესპონდენტი ასევე ვრცლად საუბრობს ფირის ფოტოაპარატით მუშაობის მნიშვნელობასა და თავისებურებებზე. 

რესურსის პრაქტიკული დანიშნულება: რესურსი განკუთვნილია საბაზო საფეხურის მოსწავლეებისთვის. მასწავლებელს რესურსის გამოყენება ქიმიასთან ინტეგრაციის დროს შეუძლია, რადგან ვიდეოში სრულად არის წარმოჩენილი ფოტოს გადაღებისა და ფირის გამჟღავნების რთული ქიმიური პროცესი. გადაცემის ჩვენება ასევე შესაძლებელია მაშინ, როდესაც მასწავლებელი მოსწავლეებს ფოტოს მხატვრულ-გამომსახველობით საშუალებებზე ესაუბრება.