Photoფოკუსი ტელესკოლის პროექტია. გადაცემა ვიზუალური ხელოვნების ერთ-ერთ დარგს, ფოტოგრაფიას, ეძღვნება.  რესპონდენტის რანგში მოწვეული ფოტოგრაფები გადაღების თავისებურებებსა და ფოტოგამოსახულების მნიშვნელობაზე საუბრობენ. გადაცემაში ასევე სრულად არის ნაჩვენები პროფესიონალი ფოტოგრაფების სამუშაო  პროცესი. 

ფოტოგრაფი, ნიკო ქერდიყოშვილი, ველურ ბუნებაში გადაღების პროცესიის სპეციფიკაზე საუბრობს. ველურ ბუნებაში გადაღება გულისხმობს ადგილის შესწავლას, ქარის მიმართულების დადგენას, ჰორიზონტის მხარეების განსაზღვრას, კამუფლაჟით აღჭურვას, სახეობების ცნობას და ა.შ. ამიტომ, რესპონდენტის აზრით, დასაწყისისთვის, ფრინველების გადაღება საუკეთესო გზაა, რათა ფოტოგრაფმა ბუნების მრავალფეროვნება, სახეობების თავისებურებები და გარემოსთან ურთიერთობა ისწავლოს. ნიკო ქერდიყოშვილის მიზანია ფოტოებით მაყურებელს ველური ბუნების შესახებ მოუთხროს, რათა ადამიანებს გაუჩნდეთ სურვილი ბიომრავალფეროვნების შენარჩუნებაში საკუთარი წვლილი შეიტანონ. 

რესურსის პრაქტიკული დანიშნულება: რესურსი განკუთვნილია დაწყებითი საფეხურის, V-VI კლასების, მოსწავლეებისთვის. გადაცემაში ფოტოგრაფი კამერის საშუალებით აღბეჭდილი ბიომრავალფეროვნების შესახებ საუბრობს. შესაბამისად, ვიდეოს ჩვენება უმჯობესია ბუნებისმეტყველების საგანთან ინტეგრაციის დროს..

ასევე იხილეთ :