რესურსი წარმოადგენს პრობლემაზე დაფუძნებული სწავლების მაგალითს ბიოლოგიაში, სერიიდან “გიყვარს თუ არა რძე?”. მასში განხილულია ჯანმრთელობის ერთ-ერთი პრობლემა - ლაქტოზას აუტანლობა, რომელიც აწუხებს მსოფლიო მოსახლეობის დიდ ნაწილს.
რესურსის გამოყენება შესაძლებელია სერიის სხვა ნაწილებთან ერთად, რომლებიც ფარავს ბიოლოგიის სხვა თემებს. მასწავლებელს შეუძლია გაუნაწილოს თითოეული თემატური მიმართულებით საკითხის დამუშავება მოსწავლეთა ცალკეულ ჯგუფებს პარალელურ რეჟიმში. რესურსის ასეთი გამოყენება შესაძლებელია ბიოლოგიის სხვადასხვა მიმართულების ურთიერთდაკავშირებისა და მათ შესახებ ცოდნის შეჯამების მიზნით. მეორე შესაძლებლობაა თითოეული თემატური მიმართულების დამუშავება თანმიმდევრობით ან შერჩევითად.
რესურსში განხილულია ლაქტოზას აუტანლობის პრობლემა ფერმენტის სტრუქტურისა და ფუნქციონირების ჭრილში, თუმცა სერიის სხვა ნაწილები, რომლებიც ასევე გამოქვეყნებულია პორტალზე http://educationhouse.ge/ იძლევა იგივე საკითხის დამუშავების საშუალებას სხვა მიმართულებებითაც - გენეტიკა, მოლეკულური ბიოლოგია, ევოლუცია, ფიზიოლოგია, ვირტუალური კვლევა.
რესურსი წარმოდგენილია მოსწავლის სამუშაო ფურცლის სახით, რომელიც შედგება საინფორმაციო ტექსტისაგან და მის საფუძველზე დასამუშავებელი კითხვებისაგან. მასწავლებლისათვის რეკომენდაციის სახით მოცემულია პასუხები ამ კითხვებზე.
