რესურსი წარმოადგენს პრობლემაზე დაფუძნებული სწავლების მაგალითს ბიოლოგიაში, რომელიც ერთ-ერთია სერიიდან “გიყვარს თუ არა რძე?”. მასში განხილულია ჯანმრთელობის ერთ-ერთი პრობლემა - ლაქტოზას აუტანლობა, რომელიც აწუხებს მსოფლიო მოსახლეობის დიდ ნაწილს.
რესურსის გამოყენება შესაძლებელია სერიის სხვა ნაწილებთან ერთად, რომლებიც ფარავს ბიოლოგიის სხვა თემებს. მასწავლებელს საშუალება აქვს, გაუნაწილოს თითოეული თემატური მიმართულებით საკითხის დამუშავება მოსწავლეთა ცალკეულ ჯგუფებს პარალელურ რეჟიმში. რესურსის ასეთი გამოყენება შესაძლებელია ბიოლოგიის სხვადასხვა მიმართულების ურთიერთდაკავშირებისა და მათ შესახებ ცოდნის შეჯამების მიზნით. მეორე შესაძლებლობაა თითოეული თემატური მიმართულების დამუშავება თანმიმდევრობით ან შერჩევითად.
რესურსში განხილულია ლაქტოზას აუტანლობის პრობლემა გენეტიკის ჭრილში, თუმცა სერიის სხვა ნაწილები, რომლებიც ასევე გამოქვეყნებულია პორტალზე http://educationhouse.ge/, იძლევა იგივე საკითხის დამუშავების საშუალებას სხვა მიმართულებებითაც - ევოლუცია, მოლეკულური ბიოლოგია, ფიზიოლოგია, ფერმენტული აქტივობა, ვირტუალური კვლევა.
რესურსი წარმოდგენილია მოსწავლის სამუშაო ფურცლის სახით, რომელიც შედგება საინფორმაციო ტექსტისაგან და მის საფუძველზე დასამუშავებელი კითხვებისაგან. მასწავლებლისათვის რეკომენდაციის სახით მოცემულია პასუხები ამ კითხვებზე.
