მასწავლებელთა პროფესიული განვითარების ეროვნული ცენტრის ინკლუზიური განათლების ხელშეწყობის პროგრამის ფარგლებში 30 მაისს, 19:00 საათზე მშობლებისთვის და სხვა დაინტერესებული პირებისთვის გაიმართება ვებინარი თემაზე - „ოჯახის ფსიქოგანათლების მნიშვნელობა ბავშვის აღზრდისა და განვითარების პროცესში“.

ფსიქიკური თუ ნეიროგანვითარების სხვადასხვა მდგომარეობის შესახებ ოჯახის წევრების ფსიქოგანათლება დადებითად აისახება, როგორც ამ მდგომარეობების მქონე ადამიანებზე, ასევე - თავად მზრუნველი პირების მდგომარეობაზე, რადგან ოჯახის წევრებსა და სხვა მზრუნველებს სხვადასხვა მდგომარეობასთან დაკავშირებული სწორი წარმოდგენებით და ამ მდგომარეობების მართვისთვის განკუთვნილი ცოდნით უზრუნველყოფს.

• ვებინარზე - განიხილება შემდეგი საკითხები:

• რა არის ფსიქოგანათლება და რას მოიცავს ოჯახის ფსიქოგანათლება?

• რისთვისაა საჭირო ოჯახის ფსიქოგანათლება ოჯახის წევრის მდგომარეობის შესახებ?

• რა არის ნეირომრავალფეროვნება და რატომაა მნიშვნელოვანი ამ ცნების მნიშვნელობისა და მნიშვნელოვნების ცოდნა და გაცნობიერება?

• როგორ და რაში ეხმარება ნეირომრავალფეროვნების ცნება და ნეირომრავალფეროვნების სხვადასხვა გამოხატულების ცოდნა მშობლებს?

მშობლებს/დამსწრეებს საშუალება ექნებათ მომხსენებელს დაუსვან კითხვები.

მომხსენებელი: ევროპის ბიჰევიორული და კოგნიტური თერაპიების საზოგადოების (EABCT) მიერ აკრედიტებული ზრდასრულთა კოგნიტურ - ბიჰევიორული ფსიქოთერაპევტი - ანა ღვინიანიძე.

ფასილიტატორი: ფსიქოლოგი, ინკლუზიური განათლების პროგრამის კონსულტანტი - თამარ ისაკაძე.

ვებინარი ჩატარდება პლატფორმა ZOOM-ის გამოყენებით, დასასწრებად გამოიყენეთ ბმული: https://us02web.zoom.us/j/86720940929