სპეციალური მასწავლებლების მასწავლებელთა პროფესიული განვითარების სქემაში ჩართვის შემდეგ მნიშვნელოვანი გახდა მათი საქმიანობის დამადასტურებელი დოკუმენტაციის, კერძოდ, სპეციალური მასწავლებლის პორტფოლიოს წარმოება. ამ მიზნით, მასწავლებელთა პროფესიული განვითარების ეროვნული ცენტრის მხარდაჭერით, მუშაობა დაიწყო სპეციალური მასწავლებლის პორტფოლიოს გზამკვლევსა და შესაბამის ნიმუშების შექმნაზე, რაც სპეციალისტებს დაეხმარებათ ამ მიმართულების საქმიანობის დაგეგმვასა და განხორციელებაში.

შემუშავდა პორტფოლიოს ძირითადი სტრუქტურა და შინაარსი.ვებინარის მიზანია სფეროში დასაქმებული სპეციალისტებისათვის დოკუმენტის სტრუქტურისა და ძირითადი კომპონენტების გაცნობა.

ვებინარზე განხილული საკითხები:

· სპეციალური მასწავლებლის პორტფოლიოს არსი და მისი მნიშვნელობა მასწავლებლის პროფესიული საქმიანობის განხორციელების პროცესში;

· სპეციალური მასწავლებლის პორტფოლიოს ძირითადი კომპონენტები;

· სპეციალური მასწავლებლის პორტფოლიოს წარმოებასთან დაკავშირებული ტექნიკური საკითხები;

· სპეციალური მასწავლებლის თვითრეფლექსიის კითხვარი.