განათლების E სახლი

იხილეთ სრული ვერსია

ავტორები:
მასწავლებელთა პროფესიული განვითარების ეროვნული ცენტრი

მოკლე აღწერა:

მასწავლებელთა პროფესიული განვითარების ეროვნული ცენტრის ინოვაციური განათლების პროგრამის ფარგლებ­ში, ამოქმედდა ქვეპროგრამა – მასწავლებელთა ჩართუ­ლობისა და ცნობიერების ხელშეწყობა ბავშვთა უფლებე­ბის მიმართულებით. ბავშვთა უფლებების თემა უაღრესად მნიშვნელოვანი და აქტუალურია თანამედროვე მსოფლი­ოში და, რა თქმა უნდა, საქართველოშიც. ერთხმად ვთანხ­მდებით, რომ ბავშვი უფლებების მფლობელ სუბიექტს წარმოადგენს და არა დასაცავ ობიექტს. მიუხედავად ამისა, იგი მაინც საზოგადოების მოწყვლად წევრად რჩება.

უფროსებმა ვიცით, რომ ბავშვის მოწყვლადობა მისი ასაკით, განვითარებადი უნარებით, მოუმწიფებლობით, გადაწყვეტილების მიღების უნარის ნაკლებობითა და ზრდასრულზე დამოკიდებულებით არის განპირობებული. სწორედ ამიტომ, ბავშვის უფლებათა და თავისუფლებათა განხორციელება, მისი დამოუკიდებელი ცხოვრებისთვის მომზადება, ოჯახის მხარდაჭერა, საუკეთესო ინტერესების უპირატესობა, დისკრიმინაციის დაუშვებლობა და პასუხის­მგებლობების გააზრება – ის მნიშვნელოვანი დეტალებია, რომელიც ზოგადსაგანმანათლებლო დაწესებულების სასწავლო კურიკულუმის ნაწილს წარმოადგენს.იმისათვის, რომ აღვზარდოთ სრულფასოვანი მოქალა­ქე, აუცილებელია, ბავშვი იცნობდეს თავის უფლებებს, აფასებდეს და იცოდეს, როგორ ისარგებლოს საკუთარი უფლებებით.