საკითხავი მასალა
სახელმძღვანელო „გარემოსდაცვითი და აგარარული განათლება სკოლაში“ 8 წიგნისგან შედგება და წარმოადგენს დამხმარე რესურსს, რომელიც ფოკუსირებულია მოსწავლეებისათვის გარემოსდაცვითი და აგრარული კომპონენტის აქტუალიზაციასა და ცნობიერების დონის ამაღლებაზე. სახელმძღვანელო მნიშვნელოვან დახმარებას გაუწევს პედაგოგებს ეროვნული სასწავლო გეგმით განსაზღვრული პრიორიტეტული მიმართულების, გარემოს დაცვის საკითხების სწავლებაში.
თითოეული წიგნი მოიცავს თეორიულ მასალას პედაგოგებისთვის, თემასთან დაკავშირებულ აქტივობებს (რომელიც მასწავლებელმა შეიძლება გამოიყენოს როგორც ფორმალური, ისე არაფორმალური განათლების კუთხით) და კომპლექსურ დავალებებს. სახელმძღვანელოში წარმოდგენილი აქტივობები შესაძლოა მოდიფიცირდეს და მოერგოს კონკრეტულ სასწავლო გარემოს, სასწავლო საჭიროებებს, კლასის ინტერესებსა და შესაძლებლობებს.
კრებულის მეექვსე წიგნში - “ კლიმატის ცვლილება და ბუნებრივი საფრთხეების შემცირება“, განხილულია შემდეგი საკითხები: განსხვავება ამინდსა კლიმატს შორის, სათბურის აირები და ეფექტი, კლიმატის ცვლილების გამომწვევი მიზეზები და შედეგები, კლიმატის ცვლილებით გამოწვეული ბუნებრივი საფრთხეები, მათგან თავდაცვის ხერხები და ქცევის წესები, კლიმატის ცვლილების შერბილებისკენ მიმართული ღონისძიებები.
