უფროსის დამოკიდებულება ბავშვის მიმართ  და მისი ურთიერთობის სტილი განაპირობებს ბავშვის პოზიტიურ დამოკიდებულებას საკუთარი თავისა და სხვა ადამიანებისა თუ გარემოს მიმართ. გულისხმიერი კომუნიკაციური პარტნიორი იცნობს ბავშვებს, ყურადღებით აკვირდება მათ და გრძნობს, თუ როდის, რა დოზით არის საჭირო უფროსის ჩართულობა, მხარდაჭერა და თანამშრომლობა. როგორ მოვიქცეთ, რა სტრატეგიები გამოვიყენოთ იმისათვის, რომ გავხდეთ ბავშვისთვის კარგი კომუნიკაციური პარტნიორი და ხელი შევუწყოთ მათ კეთილდღეობას და ენის, მეტყველებისა და კომუნიკაციური უნარების განვითარებას.