ინსტრუქცია განკუთვნილია საჯარო სკოლებში დასაქმებული კარიერული წინსვლის მსურველი წამყვანი მასწავლებლებისთვის/წამყვანი სპეციალური მასწავლებლებისთვის და დეტალურად აღწერს ახალი eSchool-ის ელექტრონულ სისტემაში რესურსცენტრის დონეზე კარიერული წინსვლისთვის განაცხადის გაკეთების პროცესს. ინსტრუქციაში ეტაპობრივად არის წარმოდგენილი სისტემაში ავტორიზაცია, განაცხადის დაწყება, შესაბამისი რესურსცენტრის, მიმართულებისა და ვაკანტური ადგილების ნახვა, ხედვის დოკუმენტის ატვირთვა და განაცხადის გაგზავნა. ასევე განმარტებულია გაგზავნილი განაცხადის დეტალებისა და სტატუსის გადამოწმების, განაცხადში ცვლილების შეტანისა და მისი მართვის პროცედურები.