ინსტრუქცია განკუთვნილია საჯარო სკოლებში დასაქმებული კარიერული წინსვლის მსურველი უფროსი მასწავლებლებისთვის/უფროსი სპეციალური მასწავლებლებისთვის და დეტალურად აღწერს ახალი eSchool-ის ელექტრონულ სისტემაში სკოლის დონეზე კარიერული წინსვლისთვის განაცხადის გაკეთების პროცესს. ინსტრუქციაში ეტაპობრივად არის წარმოდგენილი სისტემაში ავტორიზაცია, განაცხადის დაწყება, პოზიციის ტიპისა და დაწესებულების შერჩევა, შესაბამისი მიმართულებებისა და ვაკანტური ადგილების ნახვა, ხედვის დოკუმენტის ატვირთვა და განაცხადის გაგზავნა. ასევე განმარტებულია გაგზავნილი განაცხადის დეტალებისა და სტატუსის გადამოწმების, განაცხადში ცვლილების შეტანისა და მისი მართვის პროცედურები.