მასწავლებლის პროფესიული განვითარებისა და კარიერული წინსვლის სქემის ფარგლებში მასწავლებლის/სპეციალური მასწავლებლის მიერ წარდგენილი განაცხადისა და განხორციელებული საქმიანობის შეფასების კომისიის შექმნისა და საქმიანობის წესი განსაზღვრავს სკოლისა და საგანმანათლებლო რესურსცენტრის დონეზე კომისიების შექმნისა და დაკომპლექტების წესს, მათ შემადგენლობასა და საქმიანობის პროცედურებს. ასევე არეგულირებს კარიერული წინსვლის მსურველი მასწავლებლის/სპეციალური მასწავლებლის მიერ წარდგენილი განაცხადისა და ფუნქციის შესრულების ფარგლებში განხორციელებული საქმიანობის შეფასების პროცესს, კომისიის მიერ გადაწყვეტილების მიღებისა და შესაბამისი შედეგების დოკუმენტირების წესს.