საკითხავი მასალა
„ათინათი“ ქართული ენის ოთხდონიანი სასწავლო რესურსია (საანბანო, A1, A2, B1), რომელიც თითოეული ეტაპისთვის სახელმძღვანელოსა და სამუშაო რვეულს აერთიანებს.
სწავლება თანამედროვე, კომუნიკაციურ მიდგომებს ეფუძნება. მთავარი მიზანია, პროცესი სახალისო და თანმიმდევრული იყოს, შემსწავლელებმა კი აითვისონ ის უნარები, რომლებიც რეალურ ცხოვრებაში, ყოველდღიურ სიტუაციებში სჭირდებათ.
სახელმძღვანელოში მასალა თემატურად არის დალაგებული და მოიცავს ენის ძირითად კომპონენტებს — მოსმენას, კითხვას, ლაპარაკსა და წერას, ასევე ლექსიკისა და გრამატიკის შესწავლას. მრავალფეროვანი რუბრიკები და დავალებები ეხმარება მოსწავლეებს, მარტივად აითვისონ ახალი მასალა, განიმტკიცონ ცოდნა და ცხოვრებაში, რეალურ საუბრებში გამოიყენონ.
ოთხდონიანი სტრუქტურა უზრუნველყოფს ენის შესწავლის ეტაპობრივ პროცესს — საანბანო დონიდან B1 დონემდე. რესურსი განკუთვნილია ქართული ენის მასწავლებლებისა და სხვა შემსწავლელებისთვის და შეიძლება გამოყენებულ იქნეს როგორც ორგანიზებულ სასწავლო პროცესში, ისე დამოუკიდებელი სწავლის მხარდასაჭერად.
„ათინათი“ეხმარება ადამიანებს, უკეთ გაიცნონ ქართული კულტურა და თავისუფლად იგრძნონ თავი ქართულენოვან გარემოში.
ასევე იხილეთ:
ათინათი A 1 დონე (სამუშაო რვეული)
ათინათი A 2 დონე (სამუშაო რვეული)
