ვიდეო მომზადებულია სან-დიეგოს სახელმწიფო უნივერსიტეტის ადრეული და სკოლამდელი განათლების პროექტის ფარგლებში, რომელიც ქვეყანაში ადრეული და სკოლამდელი აღზრდისა და განათლების ხარისხის გაუმჯობესებას ემსახურება. ვიდეო წარმოადგენს I2Q პროექტის ფარგლებში სან-დიეგოს სახელმწიფო უნივერსიტეტის მიერ შემუშავებული მეთოდური სახელმძღვანელოს მიმოხილვას, რომელიც 2-დან 6 წლამდე ასაკის ბავშვთა ჰოლისტური განვითარების ხელშეწყობაზეა ფოკუსირებული.

ვებინარების სერია განკუთვნილია უმცროსი, უფროსი და შერეული ასაკობრივი ჯგუფების აღმზრდელებისა და აღმზრდელ-პედაგოგებისთვის.

წარმოდგენილია ბავშვების განვითარების, სწავლის, ინტერესებისა და ჩართულობის პრაქტიკული დაკვირვების მეთოდები. ყურადღება გამახვილებულია დაკვირვების მიზნებზე, ეფექტიან სტრატეგიებსა და შედეგების დოკუმენტირებაზე, რაც ხელს უწყობს თითოეული ბავშვის საჭიროებებისა და შესაძლებლობების უკეთ გააზრებას, ინდივიდუალური პროგრესის შეფასებას და შესაბამისი საგანმანათლებლო გამოცდილებების დაგეგმვასა და განხორციელებას.