ვიდეო მომზადებულია სან-დიეგოს სახელმწიფო უნივერსიტეტის ადრეული და სკოლამდელი განათლების პროექტის ფარგლებში, რომელიც ქვეყანაში ადრეული და სკოლამდელი აღზრდისა და განათლების ხარისხის გაუმჯობესებას ემსახურება. ვიდეო წარმოადგენს I2Q პროექტის ფარგლებში სან-დიეგოს სახელმწიფო უნივერსიტეტის მიერ შემუშავებული მეთოდური სახელმძღვანელოს მიმოხილვას, რომელიც 2-დან 6 წლამდე ასაკის ბავშვთა ჰოლისტური განვითარების ხელშეწყობაზეა ფოკუსირებული.

ვებინარების სერია განკუთვნილია უმცროსი, უფროსი და შერეული ასაკობრივი ჯგუფების აღმზრდელებისა და აღმზრდელ-პედაგოგებისთვის.

განხილულია, როგორ შეიძლება თემებისა და პროექტების განვითარება ბავშვების იდეების, შეკითხვებისა და კვლევითი საქმიანობის საფუძველზე. ყურადღება გამახვილებულია ბავშვების ინტერესების გამოვლენაზე, მათი ინიციატივების მხარდაჭერასა და კვლევის პროცესის ხელშეწყობაზე, რაც ხელს უწყობს ცნობისმოყვარეობის, დამოუკიდებელი აზროვნებისა და სწავლისადმი ინტერესის გაძლიერებას.