ვიდეო მომზადებულია სან-დიეგოს სახელმწიფო უნივერსიტეტის ადრეული და სკოლამდელი განათლების პროექტის ფარგლებში, რომელიც ქვეყანაში ადრეული და სკოლამდელი აღზრდისა და განათლების ხარისხის გაუმჯობესებას ემსახურება. ვიდეო წარმოადგენს I2Q პროექტის ფარგლებში სან-დიეგოს სახელმწიფო უნივერსიტეტის მიერ შემუშავებული მეთოდური სახელმძღვანელოს მიმოხილვას, რომელიც 2-დან 6 წლამდე ასაკის ბავშვთა ჰოლისტური განვითარების ხელშეწყობაზეა ფოკუსირებული.

ვებინარების სერია განკუთვნილია უმცროსი, უფროსი და შერეული ასაკობრივი ჯგუფების აღმზრდელებისა და აღმზრდელ-პედაგოგებისთვის.

წარმოდგენილია ბავშვებთან საპასუხო და მხარდამჭერი ურთიერთქმედების გზები და სტრატეგიები, რომლებიც ხელს უწყობს პროცესში  მათ აქტიურ ჩართულობას, აზროვნებასა და სწავლას. ყურადღება გამახვილებულია ბავშვების მოსმენაზე, მათ იდეებზე, ინტერესების გათვალისწინებასა და ისეთი ურთიერთობების ჩამოყალიბებაზე, რომლებიც ხელს უწყობს უსაფრთხო, პოზიტიური და განვითარებაზე ორიენტირებული საგანმანათლებლო გარემოს შექმნას.