ვიდეო მომზადებულია სან-დიეგოს სახელმწიფო უნივერსიტეტის ადრეული და სკოლამდელი განათლების პროექტის ფარგლებში, რომელიც ქვეყანაში ადრეული და სკოლამდელი აღზრდისა და განათლების ხარისხის გაუმჯობესებას ემსახურება. ვიდეო წარმოადგენს I2Q პროექტის ფარგლებში სან-დიეგოს სახელმწიფო უნივერსიტეტის მიერ შემუშავებული მეთოდური სახელმძღვანელოს მიმოხილვას, რომელიც 2-დან 6 წლამდე ასაკის ბავშვთა ჰოლისტური განვითარების ხელშეწყობაზეა ფოკუსირებული.

ვებინარების სერია განკუთვნილია  უმცროსი, უფროსი და შერეული ასაკობრივი ჯგუფების აღმზრდელებისა და აღმზრდელ-პედაგოგებისთვის.

განხილულია, როგორ სწავლობენ ბავშვები თამაშის საშუალებით და რა მნიშვნელოვან როლს ასრულებს ამ პროცესში საგანმანათლებლო სივრცე, მრავალფეროვანი მასალები და უწყვეტი, დაუბრკოლებელი თამაშისთვის გამოყოფილი დრო. ყურადღება გამახვილებულია გარემოს მნიშვნელობაზე, რომელიც ხელს უწყობს ბავშვის დამოუკიდებლობას, შემოქმედებითობას, ინტერესების გამოვლენას, აქტიურ ჩართულობასა და მრავალმხრივ განვითარებას.