ვებინარი ეძღვნება სკოლისათვის მზაობისა და სასკოლო გარემოში ეფექტიანი ტრანზიციის საკითხებს. შეხვედრაზე პასუხი გაეცემა შემდეგ ძირითად შეკითხვებს:

• რას ნიშნავს სკოლისათვის მზაობა?

• განსაზღვრავს თუ არა მას მხოლოდ ცალკეული ასოებისა და ლექსების ცოდნა, თუ ის ბავშვის განვითარების ყველა სფეროს მომწიფებას მოიაზრებს?

• რას გულისხმობს ეფექტიანი ტრანზიცია, როდის იწყება და როდის სრულდება ის?

ვებინარზე საბავშვო ბაღის აღმზრდელი გაგიზიარებთ პირად გამოცდილებას, თუ როგორ დაგეგმა საგანმანათლებლო პროცესი სასკოლო მზაობის ჯგუფში — კონკრეტული ჯგუფის საჭიროებების, სასკოლო მზაობის სახელმწიფო სტანდარტისა და კურიკულუმის მიზნების გათვალისწინებით; როგორ ითანამშრომლა სკოლასთან და რა აქტივობები განახორციელა იმისათვის, რომ ბავშვებს სასკოლო ცხოვრებაზე რეალური წარმოდგენა შექმნოდათ.

გარდა ამისა, მომხსენებელი ისაუბრებს საბავშვო ბაღის აღმზრდელის, დაწყებითი საფეხურის მასწავლებლისა და მშობლის მჭიდრო თანამშრომლობაზე. განხილული იქნება ბავშვის შესახებ ინფორმაციის გაცვლისა და საჭირო მხარდაჭერის დაგეგმვის გზები, რათა, ინდივიდუალური საჭიროებების გათვალისწინებით, თითოეულმა მოსწავლემ სკოლაში თავი უსაფრთხოდ, მიღებულად და მხარდაჭერილად იგრძნოს.

ვებინარი განკუთვნილია საბავშვო ბაღის საგანმანათლებლო პერსონალისა და დაწყებითი კლასების მასწავლებლებისთვის.

ვებინარის სტუმარი: საბავშვო ბაღ „ფელიქსის“ აღმზრდელი, თამარ გვიანიშვილი.