ვიდეო ეხება გარდამავალი პერიოდის (ტრანზიციის) მართვის საკითხებს საგანმანათლებლო სივრცეში და მოიცავს ტრანზიციის ორ მნიშვნელოვან ეტაპს: პირველკლასელთა სკოლაში ადაპტაციის პროცესსა და მოსწავლეთა ტრანზიციას სკოლიდან პროფესიულ სასწავლებელში.

ვიდეოში განხილულია ტრანზიციის მნიშვნელობა, მისი გავლენა მოსწავლის აკადემიურ, სოციალურ და ემოციურ განვითარებაზე, ასევე წარმატებული გარდამავალი პროცესის დაგეგმვისა და განხორციელების  ძირითადი პრინციპები. განსაკუთრებული ყურადღება ეთმობა იმ ფაქტორებს, რომლებიც ხელს უწყობს ბავშვისა და მოზარდის ახალ საგანმანათლებლო გარემოში წარმატებულ ადაპტაციას, უსაფრთხოების განცდის ჩამოყალიბებას და საკუთარი შესაძლებლობების რეალიზებას.

ასევე წარმოდგენილია ტრანზიციის პროცესში ჩართული მხარეების - ოჯახის, მასწავლებლების, სკოლის ადმინისტრაციის, პროფესიული სასწავლებლის წარმომადგენლებისა და მხარდამჭერი სპეციალისტების - როლი და თანამშრომლობის მნიშვნელობა, როგორც წარმატებული ტრანზიციის ერთ-ერთი წინაპირობა.

ვიდეო განკუთვნილია მასწავლებლებისთვის, სპეციალური მასწავლებლებისთვის, სკოლის ადმინისტრაციის წარმომადგენლებისთვის, პროფესიული განათლების სფეროში დასაქმებული პირებისა და მშობლებისთვის,  ასევე  ყველა იმ პირისთვის, ვინც დაინტერესებულია მოსწავლეთა მხარდამჭერი და წარმატებული ტრანზიციის უზრუნველყოფით.