საკითხავი მასალა
სასწავლო ელექტრონული რესურსი „ვკითხულობთ ერთად“ შექმნილია არაქართულენოვანი სკოლების მოსწავლეებისთვის, ასევე
ყველა იმ პირისთვის, ვინც
დაინტერესებულია კითხვის უნარის
განვითარებითა და ქართული ენის შესწავლით არაფორმალური განათლების ფარგლებში.
რესურსი ეფუძნება კონცეფციას – ტექსტი, როგორც სასწავლო რესურსი. მასში წარმოდგენილი საკითხავი მასალა დაჯგუფებულია ენის ფლობის დონეების (A2, A2+ და B1) მიხედვით და მოიცავს სპეციალურად დამუშავებულ ტექსტებსა და მრავალფეროვან სავარჯიშოებს. რესურსი ხელს უწყობს კითხვის, გაგება-გააზრების, ლექსიკური მარაგის გამდიდრების, გრამატიკული სტრუქტურების დაუფლების, ასევე მსჯელობისა და წერითი უნარების განვითარებას.
კრებულში გაერთიანებული მრავალფეროვანი თემატიკის ტექსტები აფართოებს მკითხველის თვალსაწიერს, ავითარებს ტექსტის ანალიზისა და შემოქმედებითი აზროვნების უნარს, ხოლო თანდართული სავარჯიშოები და მათი პასუხები რესურსს ეფექტიან დამხმარედ აქცევს როგორც სასწავლო პროცესში, ისე დამოუკიდებელი სწავლისთვის.
