ვიდეოში წარმოდგენილია ინდივიდუალური სასწავლო გეგმის  შემუშავებისა და განხორციელების ძირითადი საკითხები ინკლუზიური განათლების კონტექსტში. განხილულია ინდივიდუალური სასწავლო გეგმა, როგორც მოსწავლის საგანმანათლებლო საჭიროებებზე დაფუძნებული, პროგრესის დაგეგმვის, განხორციელებისა და შეფასების სისტემური ინსტრუმენტი, რომელიც უზრუნველყოფს მიზანმიმართულ, სტრუქტურირებულ და მონაცემებზე დაფუძნებულ სასწავლო პროცესს. განხილულია ეფექტური მიზნების ფორმულირების პრინციპები SMART პრინციპის  გამოყენებით, ინტერვენციების დაგეგმვის, განხორციელებისა და შეფასების ეტაპები, ასევე ინდივიდუალურ სასწავლო გეგმაზე მომუშავე ჯგუფის ფუნქციები, პასუხისმგებლობების განაწილების პრინციპები. ხაზგასმულია მონაცემებზე დაფუძნებული გადაწყვეტილებების მნიშვნელობა და თანა სწავლების მოდელების გამოყენების შესაძლებლობები ინკლუზიური განათლების პრაქტიკაში.  

განსაკუთრებული ყურადღება ეთმობა  ინდივიდუალური სასწავლო გეგმის გამოყენებას სასწავლო პროცესში, როგორც დინამიკურ სამუშაო დოკუმენტს, რომელიც უზრუნველყოფს მიზნების, ინტერვენციებისა და შედეგების ერთმანეთთან დაკავშირებულ დაგეგმვასა და განხორციელებას.  

ვიდეო განკუთვნილია მასწავლებლებისთვის, ინკლუზიური განათლების სპეციალისტებისა და ამ საკითხით დაინტერესებული პირებისთვის.