ვებინარი ეძღვნება სოციალური დასწავლის თეორიას და მის პრაქტიკულ მნიშვნელობას ადრეული და სკოლამდელი განათლებისათვის. ვებინარზე მიმოხილულია,  თუ როგორ სწავლობენ ბავშვები გარემოზე დაკვირვებით და რატომ აქვს უფროსების ქცევას მნიშვნელოვანი გავლენა ბავშვის განვითარებაზე.

ვებინარში ყურადღება გამახვილებულია მოდელირების მნიშვნელობაზე, აღმზრდელის როლზე როგორც ქცევის მაგალითზე, თუ როგორ შეიძლება აღმზრდელმა/მშობელმა თუ მზრუნველმა შეგნებულად გამოიყენონ საკუთარი ქცევა ბავშვების მხარდასაჭერად და განვითარების ხელშეწყობისათვის.

ვებინარი განკუთვნილია სკოლამდელი აღზრდისა და განათლების დაწესებულებების პერსონალის, მშობლებისა და ყველა  იმ პირებისათვის, რომლებიც დაინტერესებულნი არიან ბავშვის განვითარებითა და თანამედროვე საგანმანათლებლო მიდგომებით.

ვებინარის სტუმარია ანასტასია ქიტიაშვილი — ფსიქოლოგიის დოქტორი, ივანე ჯავახიშვილის სახელობის თბილისის სახელმწიფო უნივერსიტეტის ფსიქოლოგიისა და განათლების მეცნიერებათა ფაკულტეტის პროფესორი.