რა განსხვავებაა აღზრდასა და თავისუფლად გაზრდას შორის? ეს კითხვა ხშირად აჩენს განსხვავებულ მოსაზრებებს როგორც მშობლებს, ისე - მასწავლებლებს შორის. ვებინარზე განხილული იყო ბავშვის დამოუკიდებლობის, არჩევანის თავისუფლებისა და პასუხისმგებლობის განვითარების მხარდაჭერა ასაკობრივი თავისებურებების გათვალისწინებით. მონაწილეებმა მიიღეს ცოდნა პოზიტიური აღზრდის სხვადასხვა მიდგომის და საზღვრების მნიშვნელობის შესახებ. ასევე, გაეცნენ ქცევის მართვის ეფექტურ სტრატეგიებს. შეხვედრაზე განხილული საკითხები დაეხმარება მსმენელებს, უკეთ გაიაზრონ ბავშვის განვითარების პროცესში თავისუფლებასა და აღზრდას შორის ბალანსის მნიშვნელობა.