სკოლამდელი აღზრდისა და განათლების დივერსიფიცირებული მოდელები ონის მუნიციპალიტეტში – ოჯახზე დაფუძნებული საბავშვო ბაღი და სკოლის შენობაში არსებული სასკოლო მზაობის პროგრამა.
სკოლამდელი განათლების ხელმისაწვდომობის გაზრდის მიზნით, ვიდეორგოლში წარმოდგენილია ონის მუნიციპალიტეტში განხორციელებული ინოვაციური მიდგომა - სკოლამდელი განათლების განათლების დივერსიფიცირებული მომსახურებები.
მუნიციპალიტეტის სპეციფიკის გათვალისწინებით, ვიდეორგოლში წარმოჩენილია სკოლამდელი აღზრდისა და განათლების, სასკოლო მზაობის პროგრამის მომსახურების სხვადასხვა ფორმები: ოჯახზე დაფუძნებული საბავშვო ბაღი და სკოლის შენობაში არსებული სასკოლო მზაობის ჯგუფები.
ვიდეოებში ნაჩვენებია, თუ როგორ შეიძლება ძლიერი მუნიციპალური ლიდერობის, საზოგადოების ჩართულობისა და ადგილობრივ საჭიროებებზე მორგებული მიდგომების მეშვეობით სკოლამდელი აღზრდისა და განათლების მომსახურება გახდეს მეტად ხარისხიანი, ხელმისაწვდომი, ხარჯთ-ეფექტური და მდგრადი.
სკოლამდელი განათლების დივერსიფიცირებული მიდგომა განსაკუთრებით ღირებულია იმ მუნიციპალიტეტებისთვის, სადაც, დემოგრაფიული თუ სხვა ფაქტორების გამო, ტრადიციული, სტანდარტულ შენობაში არსებული, სრულდღიანი მომსახურება ნაკლებად ხელმისაწვდომია.
ვისთვის არის ეს რესურსი სასარგებლო
საბავშვო ბაღების საგანმანათლებლო და ადმინისტრაციული პერსონალისთვის, მუნიციპალიტეტების საბავშვო ბაღების გაერთიანებების, ადგილობრივი ხელისუფლების და იმ სახელმწიფო ორგანოების წარმომადგენლებისთვის, რომელთაც ადრეული აღზრდისა და განათლების შესახებ საქართველოს კანონით განსაზღვრული აქვთ ვალდებულებები და უფლებამოსილებები სკოლამდელი აღზრდისა და განათლების სფეროში.
