ციფრულ ეპოქაში მოზარდების კვებითი ჩვევების ცვლილება, სწრაფი კვების მოხმარების ზრდა, ეკრანთან გატარებული დროისა და დეზინფორმაციის გავლენა ჯანმრთელ არჩევანზე განათლების სისტემის წინაშე ახალ გამოწვევებს აყენებს. საერთაშორისო საგანმანათლებლო პროექტი „Digital Era and Healthy Eating“ პასუხობს ამ საჭიროებას და მიზნად ისახავს მოსწავლეებში ჯანსაღი კვების, მეცნიერულად დასაბუთებული გადაწყვეტილებებისა და პასუხისმგებლიანი ცხოვრების წესის ფორმირებას. პროექტი აერთიანებს საბუნებისმეტყველო მეცნიერებებს, ციფრულ წიგნიერებასა და სამოქალაქო განათლებას, ეფუძნება კვლევით და პრაქტიკულ აქტივობებს და ხელს უწყობს მოზარდებში კრიტიკული აზროვნების, კვლევითი უნარებისა და ჯანმრთელობაზე ორიენტირებული ქცევის განვითარებას.
