ფიზიკის სწავლება წარმოუდგენელია ცდისა და დაკვირვების გარეშე, თუმცა რეალური ლაბორატორიული ბაზის არარსებობა ხშირად ხელს უშლის სასწავლო პროცესის სრულფასოვნად წარმართვას. ამ რესურსის მიზანია, მასწავლებლებს შესთავაზოს პრაქტიკული გამოსავალი — ვირტუალური ლაბორატორიები. ვირტუალური ლაბორატორია  ეფექტურად ავსებს ხელსაწყოების დეფიციტს და საშუალებას აძლევს მოსწავლეებს, ინტერაქციულ გარემოში თავად აღმოაჩინონ ფიზიკური კანონზომიერებები.