„STOP, THINK, CLICK“ (შეჩერდი, დაფიქრდი, დააკლიკე) არის საერთაშორისო თანამშრომლობაზე დაფუძნებული საგანმანათლებლო პროექტი (საქართველო, თურქეთი, იტალია, რუმინეთი), სადაც 8–11 წლის მოსწავლეები მედია და ციფრული წიგნიერების გაღრმავებით სწავლობენ უსაფრთხო ონლაინ კომუნიკაციას. პროექტის ფარგლებში მოსწავლეები აანალიზებენ ინფორმაციის სანდოობასა და დეზინფორმაციას, იკვლევენ „ციფრული კვალის“ მნიშვნელობას და ქმნიან კრეატიულ სლოგანებს, აკვირდებიან საკუთარ ემოციურ მდგომარეობას „ემოციების ბორბლის“ მეშვეობით, ChatterPix-ის გამოყენებით აცოცხლებენ პერსონაჟებს საკუთარი უფლებების დასაცავად, ადგენენ პერსონალურ მონაცემთა დაცვის ციფრულ წიგნებს, მონაწილეობენ კოდირების კვირეულში და ამზადებენ გაჯეტების ევოლუციის საინფორმაციო პოსტერებს. პროექტი აერთიანებს ხელოვნებას, ისტ-სა და სამოქალაქო განათლებას, რაც ხელს უწყობს პასუხისმგებლიანი ციფრული მოქალაქეობისა და 21-ე საუკუნის კომპეტენციების განვითარებას.