მასწავლებელთა პროფესიული განვითარების ეროვნული ცენტრი აგრძელებს ვებინარების ციკლს ადრეული ასაკის ბავშვის განვითარების კანონზომიერებებისა და სწავლისა და განვითარების თეორიების შესახებ.

ვებინარების ციკლი საინტერესო და სასარგებლო იქნება საბავშვო ბაღების საგანმანათლებლო პერსონალის,  ადრეული ასაკის ბავშვების მშობლებისა და ადრეული განათლების საკითხებით დაინტერესული პირებისათვის. ვფიქრობთ, მოწოდებული ინფორმაცია შექმნის საფუძველს ბავშვის განვითარების სტანდარტების უკეთ გააზრებისა და ბავშვზე ორიენტირებული მიდგომის გაძლიერებისთვის,

სოციალური და ემოციური განვითარება ადრეული ასაკის ბავშვებში წარმოადგენს თვითცნობიერების ფორმირებისა და წარმატებული სწავლის საფუძველს.

აღმზრდელისთვის  სოციალურ - ემოციური განვითარების ხელშემწყობი სტრატეგიების ცოდნა განსაკუთრებით მნიშვნელოვანია, რათა მათ უკეთ შეძლონ  პატარების დახმარება  საბავშვო ბაღში საკუთარი ემოციების გააზრებაში, თვითრეგულაციის განვითარებაში, თანამშრომლობითი უნარების განვითარებასა და კონფლიქტების მშვიდობიანი მართვაში.

ვებინარის სტუმარია ია აფთარაშვილი, ფსიქოლოგიის დოქტორი, ივანე ჯავახიშვილის სახელობის თბილისის სახელმწიფო უნივერსიტეტის ფსიქოლოგიისა და განათლების მეცნიერებათა ფაკულტეტის ასოცირებული პროფესორი.