რესურსში მოცემულია საკლასო აქტივობა მე-10 და მე-11 კლასის მოსწავლეებისთვის, რომელიც ეფუძნება რუკისა და ტექსტის გააზრებას. აქტივობის თემაა აბრეშუმის გზა. ისტორიის მოყვარულთათვის კარგადაა ცნობილი, რომ აბრეშუმის გზამ უდიდესი როლი შეასრულა მსოფლიო ცივილიზაციის განვითარებასა და აღმოსავლეთ - დასავლეთის სამყაროს დაახლოებაში. ეს მაგისტრალი წარმოადგენდა არა უბრალო სავაჭრო გზას, არამედ იდეებისა და ტექნოლოგიების გავრცელების ყველაზე ეფექტურ საშუალებას.
სავარჯიშოზე მუშაობისას, მოსწავლეებს საშუალება ეძლევათ, გაეცნონ ინფორმაციას ამ გლობალური მოვლენის შესახებ, როგორც რუკის, ასევე ტექსტის მეშვეობით. ტექსტის ბოლოს მოცემულია შეკითხვები, რომლებზეც პასუხის გაცემა, საშუალებას მისცემს ჩვენ აღსაზრდელებს, გააანალიზონ ამ გლობალური ისტორიული მოვლენის არსი და მისი როლი მსოფლიო ცივილიზაციის განვითარებაში. შესაძლებელია ეს სავარჯიშო გეოგრაფიასთან ინტეგრირებულად ჩატარდეს.
წინამდებარე აქტივობა განკუთვნილია X და XI კლასის მოსწავლეებისთვის.
