ციფრული მოქალაქეობის განათლების ევროპულ წელთან დაკავშირებით, მასწავლებელთა პროფესიული განვითარების ეროვნული ცენტრის ინიცირებით, eTwinning-ის პროგრამის ფარგლებში, პროგრამაში ჩართულ მასწავლებლებთან ჩატარდა ორი სამუშაო შეხვედრა, რომელშიც მონაწილეობა მიიღო 120-მდე მასწავლებელმა. სამუშაო შეხვედრის მიზანს წარმოადგენდა ციფრული მოქალაქეობის განათლების მნიშვნელობის წარმოჩენა და შესაბამისი ევროპული პოლიტიკის დოკუმენტების გაცნობა. შეხვედრის ფარგლებში დემოკრატიული მოქალაქეობის ექსპერტმა ნათია ნაცვლიშვილმა მონაწილე მასწავლებლებს წარუდგინა ევროპის საბჭოს რეკომენდაცია ციფრული მოქალაქეობის შესახებ განათლების განვითარება და ხელშეწყობა. აღნიშნული თემის შემდგომი მხარდაჭერის მიზნით გამოცხადდა კონკურსი, რომელზეც შემოვიდა 16 განაცხადი. წარმოდგენილი პროექტის გამოქვეყნება დაგეგმილია მასწავლებელთა პროფესიული განვითარების ეროვნული ცენტრის ელექტრონული სერვისებისა და რესურსების პორტალზე: https://educationhouse.ge/