დაწყებით საფეხურზე მათემატიკის სწავლების ირგვლივ
ჩატარებული კვლევებით დასტურდება, რომ მოსწავლეებს ყველაზე ხშირად არითმეტიკულ
მოქმედებებს შორის უჭირთ გაყოფა, განსაკუთრებით დიდ რიცხვებზე გაყოფა. ამის
მიზეზი, შესაძლოა, იყოს ის, რომ გაყოფა აბსტრაქტულ
აზროვნებას საჭიროებს და მიმატებისა
და გამოკლების ბაზისურ ცოდნას ეფუძნება. ამასთანავე, გაყოფა მოითხოვს არა მხოლოდ გამრავლების
საპირისპირო ოპერაციის გააზრებას, არამედ ნაშთის კონცეფციის გაგებას, კარგ მეხსიერებას
და მოქმედებების თანმიმდევრულად
შესრულების უნარს. თუ მოსწავლეს ესმის გაყოფის არსი, ის შეძლებს მის
გამოყენებას სხვადასხვა, რეალური
ვითარებიდან მომდინარე ამოცანების ამოხსნისას. ამასთანავე, ნატურალური
რიცხვების გაყოფის ღრმა და გააზრებული შესწავლა მოსწავლეს მიეხმარება წილადების,
ათწილადების და მათზე მოქმედებების შესწავლაში. შესაბამისად, შეცდომებიც ნაკლები
ექნება მათთან დაკავშირებულ ამოცანებში.
საკითხავი მასალა
