სპეციალური საგანმანათლებლო საჭიროების მქონე მოსწავლის ინდივიდუალური ასისტენტი არის ინკლუზიური განათლების მხარდამჭერი გუნდის წევრი, რომელიც უწყვეტ მხარდაჭერას უწევს მოსწავლეს აკადემიური, კომუნიკაციური, ფიზიკური, ქცევით-ემოციური თუ სხვა სიტუაციური საჭიროებების გათვალისწინებით.

ვებინარზე განხილულია ასისტენტის როლი და ძირითადი ფუნქცია-მოვალეობები:

• ინდივიდუალური დახმარება, სწავლების პროცესის ადაპტაციაში მონაწილეობა;
• მოსწავლის უსაფრთხოებაზე ზრუნვა;
• ისგ ჯგუფის ფუნქციონირება და თანამშრომლობის პრინციპები;
• დაბალანსებული მხარდაჭერის არსი;
• მოსწავლის ავტონომიურობის წახალისება.

ვებინარის დასასრულს, ყურადღება გამახვილდა არსებულ სერვისებსა და გამოწვევებზე.

ვებინარი მიზნად ისახავდა ინდივიდუალური ასისტენტების პროფესიული უნარების გაძლიერებასა და ინკლუზიური განათლების ხარისხის გაუმჯობესებას.