საკითხავი მასალა
განახლებული მეთოდოლოგიური სახელმძღვანელო შემუშავდა პროექტის „ინოვაცია, ინკლუზიურობა და ხარისხი - საქართველო I2Q (WB) ფარგლებში“, რომლის მიზანიცაა, ქვეყნის მასშტაბით, ადრეული და სკოლამდელი აღზრდისა და განათლების დაწესებულებების მართვის სისტემის გაუმჯობესება და პროგრამების ხარისხის ამაღლება.
განახლებული მეთოდოლოგიური სახელმძღვანელო ეფუძნება ადრეული და სკოლამდელი განათლების სახელმწიფო სტანდარტებს, კერძოდ, ბავშვის აღზრდისა და განათლების სტანდარტს და ადრეული და სკოლამდელი დაწესებულებების გარემოსა და სასწავლო-აღმზრდელობითი პროცესის ხარისხის სტანდარტს.
მეთოდოლოგიურ სახელმძღვანელოს ორი ძირითადი მიზანი აქვს - ჯგუფის ერთობა და კვლევა-აღმოჩენა. კურიკულუმი ჰოლისტურია და თანაბარ მნიშვნელობას ანიჭებს ბავშვის განვითარების ყველა სფეროს, რათა ფართო და მყარი საფუძველი შეუქმნას ბავშვის სწავლასა და კეთილდღეობას.
განახლებული მეთოდოლოგიური სახელმძღვანელოს გამოყენება შესაძლებელია როგორც სკოლამდელი აღზრდისა და განათლების დაწესებულებებში, ასევე ზოგადსაგანმანათლებლო სკოლის შენობებში გახსნილ სასკოლო მზაობის ჯგუფებში.
მეთოდოლოგიური სახელმძღვანელო განკუთვნილია როგორც 2 წლიდან სკოლაში შესვლამდე ასაკობრივი, ისე შერეული ასაკობრივი ჯგუფებისათვის და მოიცავს განახლებულ სასკოლო მზაობის პროგრამასაც, რომლის მიზანია, ხელი შეუწყოს ბავშვების ჰოლისტურ განვითარებას, მათ შორის, სოციალური, ემოციური, მოტორული და კვლევის უნარების განვითარებას; ცნობისმოყვარეობასა და შემოქმედებით უნარებთან ერთად სხვა საჭირო უნარ-ჩვევების გამომუშავებას.
მეთოდოლოგიური სახელმძღვანელოს თავები გამდიდრებულია პრაქტიკული სცენარებითა და მაგალითებით, განახლებული გეგმის ნიმუშებით და ქართულენოვან სკოლამდელი აღზრდისა და განათლების დაწესებულებებში გადაღებული ვიდეო მაგალითებით.
გთხოვთ გაითვალისწინოთ:
