აქტივობის განსახორციელებლად მოცემულია სამი კარიკატურა. კარიკატურები შექმნილია საქართველოში, სავარაუდოდ, გერმანული წარმოშობის ქართველი ფერმწერის ოსკარ შმერლინგის მიერ. წარმოდგენილი კარიკატურები 1906 წლით თარიღდება. ეს იყო პერიოდი, როდესაც ნელ-ნელა ცხრებოდა 1905 წლის რევოლუციით გამოწვეული არეულობა რუსეთის იმპერიაში. ჩვენი მასწავლებლებისთვის კარგადაა ცნობილი ამ მოვლენის გამოძახილი საქართველოში, რომელიც  იმ პერიოდის  ერთ-ერთი უმწვავესი კერა გახლდათ.

ჩვენი რეკომენდაციით, ამ აქტივობის განხორციელება შეიძლება მაშინ, როდესაც მოსწავლეები შეისწავლიან 1905 წლის რევოლუციასა და მის შედეგებს. დასმულ შეკითხვებზე პასუხის გაცემა მოსწავლეებს გამოუმუშავებს კრიტიკულ აზროვნების და ისტორიული მოვლენის ანალიზის უნარს. 

ეს აქტივობა შესაძლებელია განხორციელდეს როგორც ინდივიდუალურად, ასევე ჯგუფურად.  ასევე, შესაძლებელია დავალება მივცეთ როგორც წერით, ასევე ზეპირად შესასრულებლად.

წინამდებარე აქტივობა განკუთვნილია IX - XII კლასის მოსწავლეებისთვის.