სავარჯიშოს განსახორციელებლად მოცემულია ორი რუკა. ერთი მათგანი წარმოადგენს ნიდერლანდელი კარტოგრაფის - აბრაჰამ ორტელიუსის (1527 - 1598) ნამუშევარს, რომელმაც პირველი თანამედროვე ტიპის გეოგრაფიული ატლასი შეადგინა. რუკა, რომელიც წარმოდგენილია სავარჯიშოში, 1570 წელს შეიქმნა, ხოლო მეორე - თანამედროვე რუკაა.
სავარჯიშოს პირობის მიხედვით, მოსწავლეებმა ერთმანეთს უნდა შეადარონ წარმოდგენილი რუკები და პასუხი გასცენ დასმულ შეკითხვებს. ამგვარი აქტივობა მათ საშუალებას მისცემს, დააკვირდნენ კარტოგრაფიის განვითარების ტენდენციებს ევროპაში.
ეს სავარჯიშო სასურველია, ჩავატაროთ ინდივიდუალურად. ასევე, შესაძლებელია დავალება მივცეთ როგორც წერით, ასევე ზეპირად შესასრულებლად.
წინამდებარე აქტივობა განკუთვნილია VIII - XI კლასის მოსწავლეებისთვის.
