ვიდეო გადაღებულია „ინოვაციის, ინკლუზიურობისა და ხარისხის პროექტი – საქართველო (I2Q, WB)“ ფარგლებში და წარმოგვიდგენს ინოვაციურ და ბავშვზე ორიენტირებულ მიდგომას სკოლამდელ განათლებაში.

ვიდეოს მიზანია მაყურებელს გააცნოს ფიზიკური გარემო, როგორც ერთ-ერთი მნიშვნელოვანი ასპექტი, რომელიც ხელს უწყობს ბავშვის თვითგამოხატვასა და მოტივაციას. ღია მასალებთან ურთიერთობა და ბუნებრივი გარემოს გაცნობა ბავშვებს სთავაზობს მრავალფეროვან გამოცდილებებს, რომლებიც ხელს უწყობენ მათ ჰოლისტურ განვითარებას.  

ვიდეოში ნაჩვენებია მეორეული მასალით სივრცეებად მოწყობილი ფიზიკური გარემო, რომელიც მიმართულია ბავშვებში კვლევა-აღმოჩენის, შემოქმედებითობის, ფიზიკური განვითარების, ბავშვის არჩევანისა და თამაშების მრავალფეროვნების უზრუნველყოფისკენ.

სამიზნე აუდიტორიაა - სკოლამდელი აღზრდისა და განათლების დაწესებულების პერსონალი ან ადრეული განათლების საკითხებით დაინტერესებული ნებისმიერი პირი.