ვიდეო გადაღებულია „ინოვაციის, ინკლუზიურობისა და ხარისხის პროექტი – საქართველო (I2Q, WB)“ ფარგლებში და წარმოგვიდგენს ინოვაციურ და ბავშვზე ორიენტირებულ მიდგომას სკოლამდელ განათლებაში.

ვიდეოს მიზანია მაყურებელს გააცნოს ე.წ. პროვოკაცია, რომელიც წარმოადგენს აღმზრდელის ერთ-ერთ უმნიშვნელოვანეს სტრატეგიას ბავშვებში ინტერესის და შემოქმედებითობის გამოსაწვევად.  

ვიდეო წარმოადგენს პრაქტიკულ მაგალითს იმაზე, თუ როგორ შეიძლება საბავშვო ბაღში აღმზრდელმა წინასწარ დაგეგმოს, შესაბამისად მოამზადოს და ისე დაახვედროს რესურსი ბავშვებს, რომ ამან ბავშებს უბიძგოს კონკრეტული თამაშისკენ. პროვოკაციებით გამრავალფეროვნებული გარემო ბავშვებს ახალი ცოდნისა და უნარების შეძენის მოტივაციას უქმნის, რაც ბავშვებს ღრმა და შემოქმედებით გამოცდილებებს სთავაზობს.