ვიდეო გადაღებულია პროექტის – „ინოვაციის, ინკლუზიურობისა და ხარისხის პროექტი – საქართველო (I2Q, WB) “– ფარგლებში და ასახავს საბავშვო ბაღში ინოვაციურ და ბავშვზე ორიენტირებულ მიდგომას.

სამიზნე აუდიტორიაა - სკოლამდელი აღზრდისა და განათლების დაწესებულების პერსონალი ან ადრეული განათლების საკითხებით დაინტერესებული ნებისმიერი პირი.

ვიდეოში ნაჩვენებია აღმზრდელის უმნიშვნელოვანესი როლი სპეციალური საგანმანათლებლო საჭიროების მქონე ბავშვის ჯგუფში ჩართულობის უზრუნველყოფაში.

აღმზრდელი ფიზიკურად, ემოციურად და ლექსიკურად სრულად ახდენს ბავშვებთან ერთად თამაშის მოდელირებას, რაც ხელს უწყობს ბავშვების  პროცესში ჩართულობას. ის ასევე ასახელებს ბავშვებს, იყენებს ღია კითხვების ტექნიკას, რომ ბავშვებში გააღვივოს წარმოსახვისა და მეტყველების უნარები. აქტივობა წარიმართება ბავშვების უშუალო მონაწილეობით.