ვიდეო გადაღებულია „ინოვაციის, ინკლუზიურობისა და ხარისხის პროექტი – საქართველოს (I2Q, WB)“ ფარგლებში და წარმოგვიდგენს ინოვაციურ და ბავშვზე ორიენტირებულ მიდგომას სკოლამდელ განათლებაში.

ვიდეოს მიზანია, მაყურებელს გააცნოს პროექტზე დაფუძნებული სწავლების მიდგომის არსი. აქ დეტალურად არის წარმოდგენილი  ამ მიდგომის ძირითადი პრინციპები და ეტაპები — დაწყებული ბავშვის მიერ დასმული შეკითხვით, დასრულებული პროექტის რუკის შედგენითა და თემასთან დაკავშირებული მრავალფეროვანი აქტივობების ჩატარებით, რომლებიც მიმართულია ბავშვის ინტერესის დაკმაყოფილებისა და საკითხის სიღრმისეული კვლევისაკენ.

ვიდეო წარმოადგენს იმის პრაქტიკულ მაგალითს, თუ როგორ შეიძლება საბავშვო ბაღში ბავშვის ინტერესზე დაფუძნებული საგანმანათლებლო პროცესის წარმართვა, რომელიც, ამავე დროს, ავითარებს მის შემეცნებით, სოციალურ და შემოქმედებით უნარებს.

ეს მასალა სასარგებლო რესურსია სკოლამდელი აღზრდისა და განათლების სფეროში დასაქმებული პროფესიონალებისთვის, აღმზრდელებისთვის, ადმინისტრაციის წარმომადგენლებისთვის და იმ პირებისთვის, რომლებიც დაინტერესებულნი არიან  ადრეული განათლების თანამედროვე, განვითარებაზე ორიენტირებული მიდგომებით.