ვიდეო გადაღებულია „ინოვაციის, ინკლუზიურობისა და ხარისხის პროექტი – საქართველოს (I2Q, WB)“ ფარგლებში და ასახავს ინოვაციურ და ბავშვზე ორიენტირებულ მიდგომას სკოლამდელ განათლებაში.
ვიდეოს მიზანია, წარმოაჩინოს თემატური სწავლების არსი საბავშვო ბაღში. აქ ყურადღება გამახვილებულია იმაზე, რომ თემა უნდა შეირჩეს ბავშვების ინტერესებიდან გამომდინარე, რათა მათი ჩართულობა იყოს მაქსიმალურად მაღალი. ვიდეოში ნათლად ჩანს, როგორ ეხმარება თემატური მიდგომა აღმზრდელს ბავშვებისთვის მრავალფეროვანი გამოცდილების შექმნაში — სხვადასხვა აქტივობის, კვლევის, შემოქმედებითი, სოციალური და ინტელექტუალური ქმედებების მეშვეობით. ეს მასალა სასარგებლო რესურსია სკოლამდელი აღზრდისა და განათლების სფეროში დასაქმებული პროფესიონალებისთვის - აღმზრდელებისთვის, ადმინისტრაციის წარმომადგენლებისთვის და იმ პირებისთვის, რომლებიც დაინტერესებულნი არიან ადრეული განათლების თანამედროვე, განვითარებაზე ორიენტირებული მიდგომებით.