ვიდეო გადაღებულია  „ინოვაციის, ინკლუზიურობისა და ხარისხის პროექტი – საქართველოს (I2Q, WB)“ – ფარგლებში და ასახავს საბავშვო ბაღში  ინოვაციურ და ბავშვზე ორიენტირებულ მიდგომას.

ვიდეოში ნაჩვენებია აღმზრდელის მიერ ინიცირებული პრაქტიკული და შემეცნებითი აქტივობა – ყველის ამოყვანის პროცესი. აღმზრდელი იყენებს ღია შეკითხვებს, რაც ხელს უწყობს ბავშვების  პროცესში ჩართულობას, ინტერესის გაღვივებას და ანალიზის უნარის განვითარებას. ის ასევე განმარტავს სპეციალურ ტერმინებს, რითაც ამდიდრებს ბავშვის ლექსიკურ მარაგს. აქტივობა წარიმართება ბავშვების უშუალო მონაწილეობით, რაც განაპირობებს მათი პრაქტიკული უნარების სიმრავლეს და, იმავდროულად, ქმნის ნიადაგს - შემოქმედებითი  და თანამშრომლობითი უნარების გასავითარებლად.

ვიდეო კარგად წარმოაჩენს კვლევაზე დაფუძნებული სწავლების მიდგომას, სადაც ბავშვი არის აქტიური აღმომჩენი და შემსწავლელი.

ეს მასალა სასარგებლო რესურსია სკოლამდელი აღზრდისა და განათლების სფეროში დასაქმებული პროფესიონალებისთვის, აღმზრდელებისთვის, ადმინისტრაციის წარმომადგენლებისთვის და იმ პირებისთვის, რომლებიც დაინტერესებულნი არიან ადრეული განათლების თანამედროვე, განვითარებაზე ორიენტირებული მიდგომებით.