ური ბრონფენბრენერმა საფუძველი ჩაუყარა ახალ მიდგომას, რომელმაც მნიშვნელოვანი წვლილი შეიტანა ადამიანის განვითარების ჰოლისტურ გააზრებაში. განვითარების თეორიებში  ეკოლოგიური სისტემების თეორია  ბავშვის განვითარებას გარემომცველი სამყაროს მრავალდონიანი კავშირების რთული სისტემის ჭრილში განიხილავს. რაკი ბავშვის ბიოლოგიური ბუნება და გარემო ერთობლივად მოქმედებს განვითარებაზე, ური ამ მიდგომას ბიოეკოლოგიურ მოდელად ახასიათებს.