იოდის საათის რეაქცია ე.წ „ქიმიური საათი“ ერთ - ერთი საუკეთესო სადემონსტრაციო ექსპერიმენტია ქიმიის გაკვეთილზე. ექსპერიმენტის დროს რამდენიმე გამჭვირვალე ხსნარს ურევენ ერთმანეთს გარკვეული თანმიმდევრობით, რის შედეგადაც მიღებული, ასევე გამჭვირვალე ხსნარი გარკვეული დროის შემდეგ მოულოდნელად იწყებს შეფერვას, ჯერ იღებს მუქ ყავისფერ შეფერილობას, შემდეგ კი ლურჯს, მერე ისევ უფერულდება და რაღაც დროის შემდეგ საწყის შეფერილობას უბრუნდება. ფერთა მონაცვლეობა გარკვეული დროის ინტერვალში პერიოდულად მეორდება. მოცემულ ექსპერიმენტს იოდის საათის რეაქციას ან ქიმიურ საათს უწოდებენ, რადგან ხსნარის ფერთა ცვლილების დრო დამოკიდებულია საწყისი რეაგენტების კონცენტრაციაზე. აღნიშნულ პროექტში თქვენ შეისწავლით, თუ რა გავლენას ახდენს რეაგენტების კონცენტრაცია ქიმიური რეაქციის სიჩქარეზე. პროექტის განსახორციელებლად გამოიყენებთ უსაფრთხო საყოფაცხოვრებო ქიმიურ ნივთიერებებს.
