მასმედიის საშუალებებით ხშირად გვესმის კითხვა, რამდენად უსაფრთხოა მზისგან დამცავი საშუალებები. წინამდებარე პროექტის ფარგლებში მზისგან დამცავ საშუალებებს შევხედავთ მწვანე ქიმიის პერსპექტივიდან. მწვანე ქიმია ნიშნავს უფრო ეკოლოგიურად სუფთა პროდუქტების დიზაინს და წარმოების მდგრადი მეთოდების ჩართვას. არსებობს 12 მწვანე ქიმიის პრინციპი, რომელიც მოიცავს ნარჩენების შემცირებას და მავნე ქიმიური ნივთიერებების გამოყენებისა და შექმნის შემცირებას, ასევე ენერგიის და ბუნებრივი რესურსების დაზოგვას და უფრო ეფექტურ გამოყენებას. პროექტში გაეცნობით,  რამდენად ეკო-მეგობრულია თქვენი მზისგან დამცავი საშუალება.