რესურსის შექმნის მიზანია ხელი შეუწყოს ფიზიკის მასწავლებლებს სწავლების პროცესის გაუმჯობესებაში. სადემონსტრაციო ცდები და ექსპერიმენტები, ლაბორატორიული სამუშაოები ფიზიკის სწავლების აუცილებელი და მნიშვნელოვანი კომპონენტებია სკოლებში. სადემონსტრაციო ცდებისა და ლაბორატორიული სამუშაოების ჩასატარებლად საჭიროა ისეთი გზამკვლევებისა და მეთოდური სახელმძღვანელოების შექმნა, რომლებშიც აღწერილი იქნება სასკოლო ექსპერიმენტების გეგმები, ცდებისთვის საჭირო მასალები, ჩატარების თანმიმდევრობა, სამუშაო ფურცლები და ლაბორატორიული ანგარიშის ფორმები.

ლაბორატორიულ სამუშაოში „საგნის სიმკვრივის ცვლილება ფორმის ცვლილებით“ მოცემულია მე-7 კლასის თემების (სიმკვრივე, სხეულთა ცურვა) შესაბამისი სადემონსტრაციო ცდებისა და მოსწავლეების მიერ ჩასატარებელი ლაბორატორიული სამუშაოს აღწერა, ცდებისთვის და სამუშაოსთვის საჭირო მასალები, ინსტრუქცია მასწავლებლისთვის, მოსწავლეთა სამუშაო ფურცლები და შეფასების კრიტერიუმები. ამ სამუშაოს ჩატარებას სჭირდება ძალზე მცირე რესურსები და იგი განკუთვნილია როგორც ფიზიკის, ასევე ბუნებისმეტყველების მასწავლებლებისთვის.