მიზანი - მოსწავლეები აანალიზებენ ნიკო ნიკოლაძის სტატიას - „ახალი ახალგაზრდობა“

სავარჯიშოს განსახორციელებლად მოცემულია სტრატეგია - „შეკითხვის დონეები“.  მოსწავლეები დაკვირვებით უნდა გაეცნონ ამ სტრატეგიას და მის საფუძველზე შეკითხვები დაუსვან მოცემულ წყაროს.

სტრატეგიის უპირატესობა იმაში მდგომარეობს, რომ ის შეიძლება გამოვიყენოთ სხვადასხვა სახის წერილობითი წყაროს ანალიზისას. ამიტომ, მასწავლებლებს შეუძლიათ ეს სტრატეგია სხვა წერილობით  წყაროებზე მუშაობისას გამოიყენონ.

რაც შეეხება თვით წყაროს, ის წარმოადგენს ნიკო ნიკოლაძის სტატიას, რომელიც რუსეთის იმპერიაში ბატონყმობის გადავარდნის შემდეგ ახალგაზრდობის როლსა და ახალ გამოწვევებთან ბრძოლას ეხება. ამასთანავე, ავტორი აანალიზებს წინა თაობების ღვაწლს ქართული საზოგადოების განვითარებაში. თუ მასწავლებლები მიზანშეწონილად ჩათვლიან, რომ სტატია მოცულობით დიდია, მათ შეუძლიათ საკუთარი შეხედულებისამებრ შეამცირონ ის.

ეს სავარჯიშო შეიძლება ჩავატაროთ როგორც ინდივიდუალურად, ასევე ჯგუფებში. ასევე, შესაძლებელია დავალება მივცეთ როგორც წერით, ასევე ზეპირად.

წინამდებარე აქტივობა განკუთვნილია XI და XII კლასის მოსწავლეებისთვის.