საკითხავი მასალა
ყოველთვის ვცდილობთ, თქვენთან შეხვედრა ორმხრივად საინტერესო და მნიშვნელოვანი იყოს. ამჟამადაც გვსურს, განსაკუთრებული გამოცემა წარმოგიდგინოთ, რომელიც სრულად ეძღვნება ბავშვთა უფლებებს. აქვე ვიტყვით, რომ ჩვენი პლატფორმა ორიენტირებული არ არის უფლებების მხოლოდ კრიტიკულ გააზრებაზე; ის იძლევა ახალი, სფეროს წინსვლისკენ მიმართული იდეებისა და ინიციატივების გასაჯაროების საშუალებას.
ბავშვთა უფლებები – ეს ის პრინციპებია, რომლებიც თითოეული ბავშვის სიცოცხლეს, განათლებას, ჯანმრთელობას და კეთილდღეობას უნდა უზრუნველყოფდეს. მიუხედავად იმისა, რომ XXI საუკუნეში მივაღწიეთ საგრძნობ პროგრესს ამ მიმართულებით, ჯერ კიდევ არსებობს მრავალი პრობლემა, რომლებიც ბავშვების მიმართ უსამართლობასა და ძალადობას უკავშირდება. სწორედ ამ გამოწვევებთან ბრძოლისა და უკეთესი მომავლის შექმნისათვის არის საჭირო ცვლილებები, განათლება და ფართო საზოგადოებრივი შეთანხმება. ჩვენი ამოცანა არის არა მხოლოდ ინფორმირება, არამედ იმ ცნობიერების ამაღლებაც, რომელიც სასკოლო საზოგადოებაში, და არა მარტო, გააძლიერებს ბავშვთა უფლებების დაცვის მნიშვნელობას და დაეხმარება ყველას – როგორც მოქალაქეებს, ისე სპეციალისტებს.
ჩვენი ჟურნალი განსაკუთრებულ აქცენტს აკეთებს ისეთ მნიშვნელოვან საკითხებზე, როგორებიცაა: ბავშვთა უფლებების დაცვის გლობალური და ადგილობრივი პრაქტიკები, მათი საარსებო კონტექსტი, განათლების ხელმისაწვდომობა, სოციალური უსაფრთხოება და ფსიქოლოგიური მხარდაჭერა. ბავშვთა უფლებების ხელშეწყობა არა მხოლოდ სახელმწიფოს, არამედ თითოეული ჩვენგანის პასუხისმგებლობაცაა. სწორედ ამიტომ ვსაუბრობთ არა მხოლოდ კანონებზე და ინიციატივებზე, არამედ იმ ქტივობებზეც, რომლებიც საზოგადოებაში ბავშვების მიმართ უფრო გონივრულ და სწორ დამოკიდებულებას ქმნის.
წინამდებარე ნომრის მასალები განკუთვნილია ყველა იმ კითხველისთვის, რომელიც დაინტერესებულია ბავშვთა უფლებების, ბავშვთა კეთილდღეობისა და გაძლიერების საკითხებით. ვიმედოვნებთ, რომ ჟურნალი უფრო მეტად გაზრდის მოტივაციას ისეთი აქტივობების განხორციელებისათვის, რომლებიც მუშაობს ჩვენი მომავალი თაობისთვის უკეთესი, სამართლიანი და თანასწორუფლებიანი გარემოს შექმნაზე.
გვჯერა ჩვენი ერთობლივი ძალისხმევის, თითოეული ბავშვის სრულფასოვანი და ღირსეული ცხოვრების შექმნისათვის.
