მიზანი - დასმული კითხვების მიხედვით, მოსწავლეები აანალიზებენ სტატიას (მეორად წყაროს).

სავარჯიშო წარმოადგენს მეორადი წყაროს ანალიზს. წარმოდგენილია სტატია ცნობილი არაბი მოაზროვნის იბნ ხალდუნის ნაშრომის - „მუკადდიმას“ (ქართ. „შესავალი“) შესახებ.

აბუ ზაიდ აბდურრაჰმან იბნ მუჰამმად იბნ ხალდუნ ალ-ჰადრამი  (1332-1406) ისლამური აზროვნებისა და ტრადიციის ერთ-ერთი უდიდესი წარმომადგენელია. ის დაიბადა თუნისში.  გარდა „მუკადდიმასი“, იბნ ხალდუნმა მრავალი ნაშრომი დაგვიტოვა რელიგიის, ისტორიის, კულტურის, სოციოლოგიის, ლიტერატურის, საზოგადოებათმცოდნეობისა და პოლიტიკური მართვის საკითხების შესახებ. 

ამ სავარჯიშოს ფუნქციაა, მოსწავლეებს გამოუმუშავოთ კრიტიკული აზროვნებისა და წყაროს ანალიზის უნარი. წყაროს თან ახლავს სავარაუდო პასუხებიც, რომლებიც მხოლოდ მასწავლებლებისთვისაა განკუთვნილი. მოსწავლეთათვის განკუთვნილ სავარჯიშოში პასუხები არ არის.

წინამდებარე აქტივობა განკუთვნილია XI  კლასის მოსწავლეებისთვის.