აქტივობის განსახორციელებლად მოცემულია წყარო, რომელიც წარმოდგენს ვ. ვილსონის 14-პუნქტიანი ხელშეკრულების პროექტს. ამასთანავე, სასკოლო სახელმძღვანელოებში მოცემულია ვერსალის ხელშეკრულების პუნქტები ან ზოგადი მიმოხილვა.   აქტივობის პირობის მიხედვით, მოსწავლეებმა/ჯგუფებმა ერთმანეთს უნდა შეადარონ ეს ორი წყარო და, მათზე დაყრდნობით, შექმნან დოკუმენტის საკუთარი ვერსია.  ამგვარი აქტივობა, ბლუმის ტაქსონომიის მიხედვით, ორ მაღალ კოგნიტურ დონეს შეესაბამება, კერძოდ, ანალიზსა და  სინთეზს. აქტივობის დასრულების შემდეგ, შესაძლებელია, მოსწავლეებმა საკუთარი ნამუშევარი გამოიყენონ ესეს ან თხზულების დასაწერად, რომელიც პირველი მსოფლიო ომის დასასრულსა და შედეგებს შეეხება.    

წინამდებარე აქტივობა განკუთვნილია IX და XII კლასის მოსწავლეებისთვის.